4 destinacionet që nuk duhen humbur nga Malësia e Madhe

Vitet e fundit turizmi malor ka pasur një zhvillim të jashtëzakonshëm duke e kthyer zonën e Malësisë së Madhe ndër destinacionet më të kërkuara si për kureshtarët vendas, por veçanërisht edhe për të huajt që duan të përjetojnë nga afër madhështinë e Alpeve Shqiptare.

Në skajin më verior të Shqipërisë ndodhet fshati i Vermoshit rreth 1,100 metra mbi nivelin e detit. Por veriu i Shqipërisë ka plot për të ofruar edhe më përpara se të mbërrini atje.

Ballkoni mbi Leqet e Hotit

Teksa përshkoni Leqet e Hotit duhet të ndaloni për pak çaste tek ballkoni i qelqtë, i cilësuar shpesh si “Ballkoni i Veriut” për të shkrepur foton më të mirë panoramike në këtë zonë në një lartësi prej afro 750 metrash.  Më poshtë, duken ujërat e kristalta të lumit Cem ndërsa përreth pyjet e dendura.

Ura e Tamarës 

Mbi lumin Cem, ndodhet ura e famshme e Tamarës, e cila mendohet se është ndërtuar në Shekullin XIII në nder të bashkëshortes së Pashait të Shkodrës. Ura është restauruar disa herë, por duke ruajtur  plotësisht origjinalitetin e saj. Zbritja nga ura në lumin Cem nuk duhet humbur, për të provuar të paktën njëherë të laheni nëse do të mund të laheni në ujërat e akullta të Cemit.

Kanionet Selcës

Një tjetër ndalesë që nuk duhet ta shmangni janë Kanionet e Selcës, i njohur si fshati i bukurive të fshehura për shkak të ujëvarës magjepsëse të Sllapit, peizazheve të pashoq dhe shpellave të shumta të kanionit më të madh të Kelmendit.

Shtëpia mbi Qershi

Në Vermosh, mbi pemën e një qershie, ndodhet një shtëpi krejt ndryshe nga çfarë mund të keni parë, pasi aty natyra bëhet e prekshme vetëm më një të zgjatur të lehtë të dorës.