“50 vjeç të bëhet kolonoskopia e parë”, mjeku tregon si kapet kanceri kolorektal

Në Shqipëri po rriten frikshëm shifrat e prekurve nga kanceri kolorektal apo i zorrës së trashë siç njihet ndryshe.

Sipas ekspertëve të shëndetit ka një dyfishim të rasteve të reja që diagnostikohen në vit. Madje po haset edhe në mosha të reja.

Fabjan Mustafaj, kirurg i përgjithshëm tha në emisionin GoodMorning Albanians në Euronews Albania se parandalimi është shumë më i rëndësishëm se kurimi në rastin e këtij lloj kanceri agresiv.

Ai tregoi se kolonoskopia, e cila duhet të bëhet të paktën në moshën 50-vjeçare, mund të shpëtojë jetë.

“Programet e depistimit janë të rëndësishme. Incidenca e këtij kancerit është pas 50 vjeç ndaj në këtë moshë duhet të bëhet kolonoskopia e parë, sepse në këtë mënyrë ne diagnostikojmë fazën prekanceroze që është polipi, sepse shkon nga një polip në kancer dhe do rreth 10 vite që kjo të zhvillohet. Më mirë është të mos arrihet te shenjat dhe simptomat, duhet 2-3 vite që të arrihet deri tek ato, është pak vonë për t’i pritur, ndaj duhet të depistohemi, të bëjmë kolonoskopinë”, tha mjeku.

LEXONI GJITHASHTU:

• 2-fishohen rastet e kancerit të zorrës së trashë në Shqipëri, po prek edhe të rinjtë
• Kanceri cervikal tek gratë, OBSH: Çdo 2 minuta një grua vdes