Mjeku epidemiolog: Në Maqedoninë e Veriut nuk ka rritje drastike të të prekurve, po realizojmë testime masive

Epidemiologu Artan Simaku, solli në një lidhje të drejtëpërdrejtë për Euronews Albania një panoramë të përgjithshme të situatës në Maqedoninë e Veriut.  Sipas tij rritja e numrit të të prekurve ka ardhur gradualisht dhe jo në mënyrë të menjëhershme.

“Rezultatei i numrit të pacientëve të identifikuar si pozitivë me COVID-19 është 599 në total. Dje kemi patur 29 raste të reja pozitive dhe në vazhdimësi çdo ditë numri është dinamik dhe i ndryshueshëm.  Kurba po shkon në mënyrë lineare duke u rritur. Nuk kemi ndonjë rritje drastike, por numri ndryshon dita-ditës. Për momentin në klinikën Universitare të Sëmundjeve Infektive janë mbi 60 raste. Në gjendje të rëndë respiratore kemi 9 raste dhe me frymëmarrje të asistuar kemi 12 raste. Të tjerët po e përjetojnë klinikisht më lehtë”, tha Smaku. 

Mjeku epidemiolog u shpreh dhe se aktualisht në Maqedoninë e Veriut po bëhen testime masive.  Krahasuar me Shqipërinë, shteti fqinj ka më shumë të prekur me coronavirus dhe më pak të shëruar. Aktualisht Maqedonia e Veriut ka 30 të shëruar, ndërsa Shqipëria 154.