Mocion mosbesimi ndaj Zaev, opozita në RMV dorëzon nismën me 61 firma

VMRO-DPMNE dorëzoi sot në kuvend nisëm për shkarkimin e kryeministrit Zaev.

Partia më e madhe opozitare i kishte dhënë ultimatum Zaevit për dorëzimin e dorëheqjes, por mungesa e këtij veprimi shtyu opozitën që me 61 nënshkrime të deputetëve të fillojë nismën për shkarkim.

Nga ana tjetër, edhe pse vetë Zaev premtoi dorëheqje, reagimi i tij ishte disi konfuz, pasi shkroi se shkarkimi i tij rrezikon bashkëjetesën, marrëdhëniet me fqinjët dhe marrëveshjet ndërkombëtare të Maqedonisë së Veriut.

Të enjten është caktuar seanca për votimin e mocionit të mosbesimit.

Vendim i Zaev për t’u tërhequr nga kryesimi i qeverisë, por edhe i Lidhjes Social-Demokrate, është refuzuar njëzëri nga partnerët, mes tyre edhe partitë shqiptare Bashkimi Demokratik për Integrim (BDI), si dhe Lëvizja Besa.