‘Omicron dominant në Shqipëri’, anëtari i Komitetit Teknik: Në fund të janarit, piku i infektimeve

Anëtari i Komitetit Teknik të Ekspertëve, Andi Koraqi u shpreh në emisionin “Mirëmëngjes” në Euronews Albania se në Shqipëri aktualisht është dominant varianti Omicron.

Shefi i Laboratorit të Mikrobiologjisë në QSUT nënvizoi se infektimet pritet të kenë pikun në fund të janarit.

Mjeku tha më tej se janë shumë të rëndësishme masat reja anti-COVID të vendosura nga autoritetet shqiptare për të të ndaluar përhapjen e kësaj sëmundjeve.

“Omicron do të bëjë të mundur që COVID-19 të kthehet në një sëmundje e lehtë dhe jetë si një gjendje gripale. Duhet të respektohen masat anti-COVID, si duhet të shihet për variantet e tjera që mund të dalin”, u shpreh mjeku.

Nga data 4 janar të gjithë punonjësit e administratës publike, punonjësit e supermarketeve dhe ata të qendrave tregtare duhet të paraqesin certifikatën e vaksinimit në vendet e tyre të punës, ose nëse nuk e kanë duhet të dorëzojnë tampon negativ çdo javë.

Për ata që nuk e kanë bërë vaksinën, por e kanë kaluar sëmundjen, e vlefshme mund të jetë dhe certifikata e shërimit që lëshohet nga autoritetet shëndetësore.