Maqedonia e Veriut njeh rezultate mbresëlënëse për COVID-19

Maqedonia e Veriut prej disa ditësh vijon të ketë një numër të ulët të rasteve të reja me COVID-19. Nga 249 teste të kryera në 24 orët e fundit vetëm 5 kanë rezultuar pozitivë me coronavirus.

Nga ana tjetër vijon me ritme të larta numri i pacientëve të shëruar, ku vetëm gjatë ditës së fundit janë kuruar 95 persona, duke e çuar në total numrin e të shëruarve në 945.

Shqetësuese në Maqedoninë e Veriut mbetet numri i lartë i viktimave. Gjatë 24 orëve të fundit kanë humbur jetën dy persona duke e çuar numrin e fataliteteve me COVID-19 në 84 persona.

“Numri i përgjithshëm i rasteve të diagnostikuar në vendin tonë që nga fillimi i epidemisë është 1511, numri i pacientëve të rikuperuar është 945, numri i të ndjerëve është 84, dhe aktualisht numri i rasteve aktive në vend është 482. Në spitalin “8 Shtatori” një pacientë 94-vjeçar nga Kumanova ndërroi jetë , i cili ka qenë i hospitalizuar në spital që në 28 Prill , ndërsa sot instituti regjistroi një paciente 69-vjeçare nga Struga, e cila ndërroi jetë më 29 maj rrugës për në spitalin e Ohrit”, bëhet e ditur nga ministria e Shëndetësisë në RMV.