Alibeaj nuk tërhiqet nga ankimi: Vendimi i gjykatës ka shkelur ligjin

Kryetari i Grupit Parlamentar të Partisë Demokratike, Enkelejd Alibeaj tha se nuk do të tërhiqet nga ankimi për vendimin e Gjykatës së Tiranës, e cila njohu si të ligjshëm Kuvendin e 11 Dhjetorit.

Për “Euronews Albania”, Alibeaj u shpreh se ankimi është një e drejtë kushtetuese, e cila kryhet kur një vendim ka shkelur ligjin.

“Unë e kam bërë të qartë, se ka shumë arsye në respekt të shtetit të së drejtës, të së drejtave kushtetuese, që kushdo i cili vlerëson që një vendim i tillë shkel ligjin dhe statutin, të mund të bëjë aktin më minimal, pra të ankohet. Kjo trajektore është e pavarur nga ajo se çfarë propozohet nga deputetët. Ata kërkojnë dhe ofrojnë vullnetin për të bashkuar demokratët në bazë. Ky është synimi final”, tha ai.

Gjatë një konference për mediat, Alibeaj shpalosi platformën për bashkimin e Partisë Demokratike. Kjo plaftormë, sipas Alibeaj, mbështetet nga 32 deputetë pjesë e Grupit Parlamentar, midis të cilëve edhe ish-kryedemokrati Lulzim Basha.

LEXONI GJITHASHTU

• Alibeaj: Platforma për bashkimin mbështetet nga shumica e Grupit Parlamentar

• Alibeaj refuzoi ofertën për bashkimin e PD-së, thotë Berisha
• Alibeaj propozon një platformë për bashkimin e PD-së