Shala: Infermierët po e përdorin diplomën si biletë për t’u larguar nga vendi

Qëndresa Qytetare ka kryer një studim për fenomenin e largimit të infermierëve. Në vitin 2021 u diplomuan 1,319 infermierë, teksa 1,073 u larguan drejt vendeve të Bashkimit Europian.

Stiven Shala, i cili është marrë me raportin dhe ka përpunuar të dhënat, tha për emisionin “Mirëmëngjes” në “Euronews Albania”, se infermierët po e përdorin diplomën si biletë për t’u larguar.

“Shumica e studentëve të infermierisë po e përdorin biletën thjesht si një biletë largimi. Ne nisim në vitin 2016 me 67 infermierë që kërkojnë dokumentacionin për t’u larguar dhe vijmë në 2021-shin, me rreth 1,100 infermierë që duan të largohen. Kjo tregon që problematika është thelluar dhe studentët po regjistrohen në universitete për ta përdorur si biletë”, tha Shala.

LEXONI GJITHASHTU

• Nga Shqipëria largohen aq infermierë sa licencohen
• Infermierët e sapo diplomuar në Vlorë, kanë ëndërr Gjermaninë