Nesër rinisin negociatat me opozitën për presidentin e ri, thotë Balla

Kryetari i Grupit Parlamentar të Partisë Socialiste, Taulant Balla deklaroi se ditën e nesërme në orën 10:00, do të rinisin negociatat me opozitën, për zgjedhjen e presidentit të ri.

Deklaratën, Balla e dha jashtë ambienteve të Kryesisë së Kuvendit, pas takimit të zhvilluar në sallën e Konferencës së Kryetarëve, me përfaqësues të opozitës.

Balla u shpreh se kreu i Grupit Parlamentar të PD-së, Enkelejd Alibeaj ka kërkuar që takimi i nesërm të mbahet me praninë e mediave.

Sipas Ballës, ky proces mund të ketë ecuri nëse të gjitha palët do të kenë mundësi të propozojnë emra.

“Alibeaj ka kërkuar që ky negocim të zhvillohet me praninë e mediave, për të dëgjuar publikisht pozicion. Nëse ka pak gatishmëri dhe fleksibilitet për të pranuar diçka që është themelore, që të gjitha palët të kenë mundësi të propozojnë, besoj që mund të kemi ecuri në këtë proces”, u shpreh ai.

Balla shprehu gatishmërinë për fleksibilitet, lidhur me dokumentin e propozuar nga opozita, ku janë vendosur disa kritere për presidentin e ri.

LEXONI GJITHASHTU

• Më 23 maj raundi i dytë i votimit për presidentin e ri