A krijon konflikt publikimi i pagave? Haxhi: Tatimet po kërkojnë aleat publikun

Ish-zv.ministri i Financave, Elton Haxhi thotë se nuk gjen asnjë arsye tek nisma e kryeministrit për të pyetur publikun lidhur me publikimin e pagave në mënyrë periodike.

Sipas tij kjo gjë mund të shfaqë konflikte mes vetë punonjësve por edhe mes bizneseve.

Haxhi thotë se synimi është që të rritet presioni ndaj bizneseve në mënyrë që të deklarojnë pagat reale.

“Organet tatimore kërkojnë aleat publikun që t’i mbështesin me presion që bizneset të vetë rregullohen pasi ato nuk kanë në dorë asnjë instrument tjetër që të luftojnë informalitetin në paga”, tha ish-zv.ministri.

Haxhi shtoi se publikimi i pagave në fund të vitit të kaluar vuri në presion qeverinë dhe organet tatimore për të bërë detyrën që i ngarkon ligji.

“I vetmi efekt pozitiv ishte që qeveria apo organi tatimor u vu nën presionin e publikut që nuk kishte bërë punën siç duhet”, deklaroi ai.

LEXONI GJITHASHTU:

• Kontrolli për më të pasurit, Dilaveri: Lëvizje populiste t’i turresh individit
• ‘Arnimet’ në taksim sjellin rrëmujë për bizneset e punonjësit, thotë eksperti