Baton Haxhiu: Asnjë emër i opozitës për President s’merr konsensus nga PS

Analisti Baton Haxhiu shprehet se emrat e propozuar nga opozita për President nuk mund të marrin konsensusin e Partisë Socialiste.

“Konsideroj se kjo listë nuk mund të kalojë në asnjë mënyrë te PS. Hiq Visar Zhitin, asnjëri nuk mund t’i përshtatet PS”, tha Haxhiu duke thënë se mazhoranca nuk është e gatshme për të dhënë konsensusin për këto emra.

Analisti veçoi nga emrat e propozuar deputetin Dashamir Shehi, pavarësht se sipas tij do ta ketë të vështirë të marrë dakordësi mazhoranca për President.

“Më vjen keq që në këtë listë është Dashamir Shehi, pasi e meriton një respekt publik për mënyrë se si ka jetuar me politikën”, tha ai.

Me këtë tha Haxhiu, opozita po përdor strategji. Sipas tij, me këto emra të propozuar nga opozita synon që t’ia lërë fajin mazhorancës për mos arritjen e një pakti për zgjedhjen e një presidenti me konsensus të gjerë.