224 gjoba në vit për boritë, shoferët e autoveturave më të pabindurit

Në rrugët e qyteteve boritë përdoren ka kriter, megjithatë shoferët duken të pashqetësuar.

Në kodin rrugor përcaktohet se në qendrat e banuara sinjalizimet zanore janë të ndaluara, përveç rasteve të rreziqeve të menjëhershme.

Çdokush që shkel këtë rregull, ndëshkohet me gjobë nga pesëqind deri në dy mijë lekë.

Mesatarisht katër shoferë gjobiten në javë për përdorimin e borive në qendrat e banuara. Sipas të dhënave të marra nga Policia Rrugore, në vitin 2021 janë vendosur 224 gjoba.

Numri i personave që gjobiten për këtë shkelje rezulton se ka një rritje fare të lehtë nga viti në vit. Në 2019-n janë vendosur 205 gjoba, ndërsa në 2020-n 216 gjoba.

Shoferët që gjobiten më së shumti janë ata të veturave. Sipas Policisë së Shtetit, kjo kategori zë 90% të rasteve të gjobave.

Rënia e borisë ka kriter shkakton jo vetëm ndotje akustike por është kthyer në një shqetësim për përdoruesit e tjerë të automjeteve, të cilët shpesh humbasin qetësinë në timon.

LEXONI GJITHASHTU:

• Ndryshon ligji për mbrojtjen e të dhënave, gjoba miliarda lekë
• Dyfishohen gjobat për bizneset e mëdha që fshehin pagën reale të punonjësve