Rama ironizon BE-në: Shpresoj që Ukraina të mos mbetet kandidate për 117 vite

Kryeministri Edi Rama u shpreh i lumtur që Ukrainës iu dha statusi i vendit kandidat nga Bashkimi Evropian, por tha se ukrainasit nuk duhet të krijojnë shumë iluzione.

Gjatë një fjalimi në Forumin Europian Wachau për temën “Ruajtja e së ardhmes së Europës dhe zgjerimi i BE, zhvilluar në Vjenë të Austrisë, Rama theksoi se Shqipëria ka 8 vite që është vend kandidat dhe shpreson që për Ukrainën të mos jenë 117 vite.

“Jemi shumë të lumtur që Ukraina mori statusin e vendit kandidat, por shpresoj që ukrainasit të mos kenë shumë iluzone për atë që morën. Morën një ilaç kundër depresionit që është mirë për moralind eh për hormonet për një farë kohe. I duhet të përballet me realitetin me të cilin përballet Maqedonia e Veriut.

Shresoj që ukrainasit të marrin në konsideratë dhe të shohin Maqedoninë e Veriut, 17 vjet vend kandidat. Ata ndryshuan edhe emrin.  Shqipëria numëron 8 vjet, nuk është mjaftueshëm. Shpresoj që për Ukrainën të mos jetë 117 vjet”, theksoi Rama.

Ndër të tjera, Rama u ndal sërish te vetoja e Bullgarisë ndaj Maqedonisë së Veriut, çka pengoi edhe Shqipërinë në mos hapjen e negociatave.

Sipas Ramës, ajo që ndodhi me Bullgarinë ishte simboli sesi zgjerimi është transformuar në një mjet për të marrë peng shtete të tjera, për hir të problemeve të brendshme.

LEXONI GJITHASHTU

• Raportuesja për Kosovën në PE: Samiti BE-Ballkani Perëndimor, dështim i plotë
• Liderët thirrje të përshpejtohet anëtarësimi i Ballkanit Perëndimor në BE
• Varhelyi: Të mbahet Konferenca e Parë Ndërqeveritare me Shqipërinë dhe RMV