Rreth 40 milionë njerëz në SHBA kanë rënë viktimë e mashtrimeve, thotë Civici

Ekonomisti Ardian Civici, i cili kohët e fundit ka botuar librin “Mashtruesit Financiarë”, deklaroi se mashtrimi nuk është vetëm fenomen shqiptar, por edhe i vendeve të tjera.

Në emisionin “SOT” në “Euronews Albania”, ai u shpreh se aktualisht në SHBA, janë 35-40 milion njerëz që kanë rënë viktimë e mashtrimeve.

“Nuk është vetëm fenomen shqiptar. Edhe në vendet më të zhvilluara të botës, edhe njerëzit që janë në majat më të larta, kanë rënë viktimë. Sot vetëm në Amerikë numërohen mbi 35-40 milion njerëz që bien viktimë në një formë apo në një tjetër.

Më shumë duhet sintetizuar te natyra dhe karakteri i njeriut përballë parasë dhe dëshira me çdo kusht për të fituar”, theksoi Civici.

LEXONI GJITHASHTU

• Civici: Mashtruesit financiarë janë gjenialë, gjejnë dobësitë e sistemit
• Si financohen komunitetet fetare në Shqipëri?
• Zero kredi për rindërtimin, Shqipëria s’ka marrë asnjë financim nga donatorët