Balla: S’marrin parasysh asnjë shkresë që mban firmën e Berishës

Kryetari i Grupit Parlamentar të Partisë Socialiste, Taulant Balla është shprehur se në Kuvend nuk do të pranohet asnjë shkresë që mban firmën e Sali Berishës.

“Por në koment të pyetjes tuaj që lidhet me ‘non gratën’ Sali Berisha. Sot e kemi pranuar kërkesën e PD sepse nuk ishte firma e Sali Berishës, ndryshe nuk do ta kishim pranuar. Shkresë që mban firmën e Sali Berishës këtu në sallë nuk votohet në Kuvendin e Shqipërisë. Pra, në këtë aspekt dua të them se unë nuk hyj në komente të organizimit të protestave. Nuk hyn në komente të tjera”, ka thënë Balla.

Këtë deklaratë Balla e bëri nga Kuvendi, ku Këshilli i Mandateve është mbledhur sërish ditën e sotme, në mbledhjen e tretë, për të shqyrtuar kërkesën e grupit të Partisë Demokratike për heqjen e mandatit të deputetes Olta Xhaçka, pasi akuzohet se ka konflikt interesi përmes bashkëshortit të saj si investitor strategjik.

LEXONI GJITHASHTU:

• Mandati i Xhaçkës, Balla: S’ka kryer asnjë shkelje Kushtetuese
• Xhaçka: S’kam përfituar asnjë centimetër tokë dhe para publike