Rama komenton marrëdhënien me Vuçiç: Herë pas here nuk pajtohemi

Kryeministri i Shqipërisë, Edi Rama shprehet se mosliberalizimi i vizave për Kosovën është turp për BE-në, pasi qytetarët e Kosovës janë të vetmit në kontinentin tonë që nuk lejohen të udhëtojnë të lirë.

Në një intervistë për gazetën gjermane ”Frankfurter Rundschau”, ai ka deklaruar se qytetarët e Kosovës më parë në ish-Jugosllavi dhe Serbi dhe kanë qenë të lirë të udhëtojnë.

“Dhe tani? A janë të pavarur dhe të lirë nga diktatura apo çlirimtarët i mbajnë në një lloj burgu?”, ka thënë ai, ndërkohë komentoi edhe raportet e tij me presidentin e Serbisë, Aleksandër Vuçiç.

“Ne kemi një marrëdhënie të mirë personale edhe pse herë pas here nuk pajtohemi. Për shembull, ai thotë ‘e ashtuquajtura Kosovë’. Unë them ‘shteti i pavarur i Kosovës’. Ne tani i zgjidhim mosmarrëveshjet tona në një mënyrë të civilizuar”, ka thënë Rama.

Sipas tij, pajtimi mes qytetarëve të Kosovës dhe Serbisë do të marrë kohë.

“Kush do ta kishte menduar se gjermanët dhe francezët do të ishin sërish partnerë të ngushtë kaq pak vite pas Luftës së Dytë Botërore? Vizioni dhe lidershipi politik nevojiten për të çuar përpara këtë proces. Por, ky proces do të ndodhë, jam i sigurt. Nuk ka kthim pas”, shprehet ai.

LEXONI GJITHASHTU:

• Ç’do të bëjë Rama pas përfundimit të karrierës politike?
• Asnjë vend europian s’ka ndryshuar më shumë se Shqipëria në 30 vite, thotë Rama