Partia e Lirisë: Rama inaguroi punimet e ujësjellësit pa u shpallur kompania fituese

Partia e Lirisë ka akuzuar kryeministrin Edi Rama, në lidhje me investimin prej 4 milionë eurosh të ujësjellësit të Memaliajt.

Në një deklaratë për mediat, deputeti i kësaj force politike, Petrit Vasili u shpreh se Rama dhe ministri i Brendshëm Bledi Çuçi, kanë inaguruar fillimin e punimeve më 7 prill të vitit 2021, ndërsa fituesi i tenderit është shpallur dy ditë më pas.

Vasili nënvizoi se kontrata me kompaninë përkatëse për fillimin e punimeve, është lidhur dy muaj më vonë, më 9 qershor.

“Bëhet fjalë për ujësjellësin e qytetit të Memaliajt dhe fshatrave, një investim te 4 miliardë e 800 milionë lekë të reja, mbi 4 milionë euro, i cili është bërë publik fillimi i punimeve, më 7 prill, pak ditë përpara fushatës elektorale të 25 prillit. Cili është realiteti? Në fakt, kryeministri shkon të inagurojë një investim që nuk është tenderuar akoma, nuk ka mbaruar akoma.

Ku e vërtetoni ju? Me dokumentet përkatëse të Agjencisë së Prokurimit Publik të shtetit shqiptar. Fituesi i tenderit shpallet më 9 prill, ndërsa kryeministri ka vajtuar më 7 prill për të filluar punimet. Kontrata për të nisur punmet është lidhur në datën 9 qerhsor, dy muaj e gjysmë më vonë”, theksoi deputeti i Partisë së Lirisë.

LEXONI GJITHASHTU

• Berisha thirrje Bashkimit Evropian: Nisni hetimet për Portin e Durrësit
• ‘Porti i Durrësit gjobë për taksapaguesit’, Berisha: Do rritet kostoja e transportit