Debat në Komision, Çupi: Paguhen 788 punonjës në bashki. Kundërshton Ndreu

Deputetja e PD-së Dhurata Çupi është përplasur me kreun e Bashkisë së Lezhës, Pjerin Ndreu në Komisionin e Reformës Territoriale, për numrin e punonjësve në bashki.

Çupi tha se 788 punonjës në bashkinë e Lezhës, ndërkohë Ndreu kundërshtoi duke i thënë se janë 450 punonjës.

Ndreu theksoi se 700 e ca punonjës, bëhen bashkë me funksionet e deleguara sepse janë rritur zjarrfikësit e edukatoret

Pjesë nga debati:

Pjerin Ndreu: Janë 450 (punonjës të Bashkisë Lezhë) që paguhen.

Dhurata Çupi: Janë 788

Pjerin Ndreu: Moj zonjë e ke gabim. Jam kryetari i Bashkisë. Nuk ka shanse që të kemi 788 numri i punonjësve. Keni marrë shifrën e vjetër nuk është administrata ime.

Dhurata Çupi: Po është shkresa e Ministrisë së Financave.

Pjerin Ndreu: Po tani do të më mbushësh mendjen mua. Ministria e Financave ia ka futur kot. Ajo është bashkë me funksionet e deleguara. Mbase nuk jeni marrë vesh, 700 e ca bëhen bashkë me funksionet e deleguara sepse janë rritur zjarrfikësit e edukatoret. Nëse do të ta sqaroj 610 kanë qenë mbi, para reformës dhe kanë qenë 300 e ca me kontrata provizore. Kur kam shkuar në punë ka qenë 1000 e ca. Borderonë e kam firmosur vetë. është ulur numri me vendim këshilli. Janë vendimet aty, ua bëj prezent kur të doni. Unë jam kryetari i bashkisë, po flas me kompetencë, jo si në kafe. I ke mbledhur bashkë.

Anila Denaj: Këshilltarët të marrin në vëmendje dhe të saktësojnë me shkrim.

Pjerin Ndreu: Janë funksionet e deleguara që paguhen nga qeveria. Denaj: Ja do e saktësojmë shkresën me këshilltaren.

LEXONI GJITHASHTU: 

• Debat mes deputeteve të PD-së e PS-së në Komisionin e ‘Territoriales’, shkak Veliaj
• Basha bën thirrje për reforma zgjedhore
• Reforma zgjedhore mbetet pezull