‘Kisha frikë se burri do ta vriste’, gruaja: S’e kam denoncuar pedofilin

Një banore e zonës pranë shkollës ‘Osman Myderzi’ në Tiranë rrëfeu në emisionin ‘Sot’ në Euronews Albania se si ishte konfrontuar fizikisht me një pedofil që bënte gjeste të pahijshme ndaj fëmijëve.

Ajo tregoi se burrin në fjalë e kishte parë edhe disa herë të tjera në zonë, kryesisht kur errësohej teksa ngacmonte kryesisht vajza adoleshente.

Gruaja tha se nuk e kishte denoncuar rastin në fjalë nga frika e përshkallëzimi të mëtejshëm të një konflikti, madje u shpreh se ishte më mirë që ajo ngjarje të mbyllej aty.

“Nuk kam denoncuar akoma se pata frikë se po ta merrte vesh bashkëshorti do ta vriste, doja të shmangia një konflikt më të gjerë”, u shpreh banorja e zonës.

Ajo tha se nga policia nuk ka ardhur askush për t’u interesuar lidhur me ngjarjen.

LEXONI GJITHASHTU:

• ‘Fëmijët e mi do izolohen’, flet nëna që u përlesh me pedofilin
• Regjistri për krimet seksuale, të dhënat e çdo pedofili do jenë të aksesueshme