‘Ligësi e neveritshme’, Rama reagon pas akuzave për sulmet kibernetike

Kryeministri Edi Rama ka reaguar në lidhje me akuzat publike të bëra për sulmet kibernetike të sponsorizuara nga Irani.

Përmes një postimi në rrjetet sociale, Rama thotë për këto sulme ka trillime dhe tregohet një ligësi e neveritshme në raport me vendin dhe njerëzit.

“Kënaqësia që pjell kaq shumë trillime, shpotitje dhe akuza lidhur me sulmet kibernetike nga një shtet agresor, përveçse për padije të thellë mbi fushën e përtaci të madhe ndaj informacionit, flet për një ligësi të neveritshme në raport me vendin e me njerëzit e këtij vendi!”, shkruan Rama në Twitter.

Kënaqësia që pjell kaq shumë trillime, shpotitje dhe akuza lidhur me sulmet kibernetike nga një shtet agresor, përveçse për padije të thellë mbi fushën e përtaci të madhe ndaj informacionit, flet për një ligësi të neveritshme në raport me vendin e me njerëzit e këtij vendi!

— Edi Rama (@ediramaal) September 13, 2022

Sekretari amerikan i Shtetit, Antony Blinken zhvilloi një bisedë telefonike ditën e djeshme me kryeministrin Edi Rama.

Lajmin e bëri të ditur ambasada amerikane në vendin tonë përmes një reagimi në rrjetet sociale, ku thuhet se Blinken dënoi sulmin kibernetik kundër sistemeve të kontrollit kufitar të Shqipërisë.

Në bisedë, Bliken ka theksuar rëndësinë e bashkëpunimit SHBA-Shqipëri, si aleatë në NATO-s për sigurinë rajonale.

LEXONI GJITHASHTU

• Blinken telefonon Ramën për sulmin kibernetik në TIMS
• Çuçi poston video live nga Rinasi: Sistemi TIMS është 100% në punë
• Prokuroria nis hetimet për sulmin në TIMS: Ndihmë juridike nga disa shtete