Balluku: Nga porti i Vlorës do fusim gazin amerikan në Ballkan

Ministrja e Infrastrukturës dhe Energjisë, Belinda Balluku u shpreh në fjalën e saj në Kuvend se me ndërtimin e portit të Vlorës do të vijë gazi i lëngshëm amerikan në Ballkan, që do të zëvendësojë gazin rus.

“Me ndërtimin e portit të lundrueshëm të Vlorës do të vijnë të gjitha anijet, të cilat do të sjellin gazin e lëngshëm amerikan në Ballkan për të zëvendësuar gazin rus. Por kjo nuk ju pëlqen, se ju jeni financuar nga gazi rus. Taksirat e keni, por Shqipëria do të shpërndajë gazin amerikan nga porti i Vlorës. Shqipëria do të ndërtojë pjesën e parë të një nga projektet më në të rëndësishme për sigurinë energjetike; do ndërtojë pjesë e parë të gazsjellësit Adriatik- Joninan. Janë 33 kilometra që do të lidhin portin e lundrueshëm të Vlorës me pikën e daljes të TAP në Fier”, u shpreh Balluku.

LEXONI GJITHASHTU:

• Vrasja e politikanit serb Oliver Ivanoviç, arrestohet një tjetër person në Kosovë
• 30-vjetori i Gjykatës Kushtetuese, Rama: Ngrehinë me shkëlqim e njolla
• Vitore Tusha: Jo pak herë retorika politike ka përfshirë Gjykatën Kushtetuese