Vizita në Hagë, Pacolli: Berishës s’i dërgova ftesë, Jahjaga e refuzoi

Ish-presidenti i Kosovës, Behgjet Pacolli u shpreh në një intervistë për Euronews Albania se nuk i ka dërguar një ftesë ish-presidentit Sali Berisha për të vizituar krerët e UÇK-së në Hagë, pasi dihet që ai nuk ka marrëdhënie të mira me Hashim Thaçin.

Ai tregoi më tej ftesa për në Hagë i është refuzuar nga Atifete Jahjaga.

“Ish-liderët e UÇK-së po njollosjen. Unë do të shkojë edhe për herë të trete, por do të shkoj për shkak të dhimbjes që unë ndjej bashkë me ta. Do të ishte një veprim i drejtë dhe lindi iniciativa që të ftoj ish-presidentët. Unë kam menduar që aty të ftohet z.Berisha si ish-president, por ju e dini si kanë përfunduar marrëdhëniet e zotit Berisha me z.Thaçi. Nuk e kam ftuar, se isha i bindur që nuk do ta pranonte këtë ftesën. Jahjaga refuzoi ftesën për në Hagë”, u shpreh Pacolli.

“Nuk janë ndier mirë, më vjen keq që ata njerëz që janë aty paguajnë një faturë e të gjithë kosovarëve”, tha ai për takimin me ish-krerët e UÇK-së në Hagë.

LEXONI GJITHASHTU:

• Pacolli: Serbia nuk do të ketë asnjëherë kapacitetin për të sulmuar Kosovën
• Të shtëna me armë, sulmohet posta policore në veri të Kosovës