Shpallet kandidatura e parë për primaret e PD-së në Fier

Evdar Kodheli është kandidati i parë që konfirmon pjesëmarrjen e tij në garën për primaret e Partisë Demokratike në qarkun e Fierit.

Përmes një deklarate, ai u shpreh se ndjen detyrim qytetar dhe politik pjesëmarjen në një proces që kthen votën, siguron transparencë dhe meritokraci.

“Kam vendosur të hedh kandidaturën në primaret e Partisë Demokratike për Bashkinë Fier, sepse e ndjej detyrim qytetar dhe politik pjesëmarjen në një proces që kthen votën. Unë besoj se vetëm nëpërmjet votës së lirë merr udhë edhe konkurenca e lirë, e cila siguron transparence, meritokraci dhe hierarki.

Gara është ajo që përzgjedh me te mirin, me të kaulifikuarin për të bërë ndryshimin e duhur. Kjo është arsyeja që, si qyetar, si përkrahës i Partisë Demokratike, si njeri i lirë dhe pa paragjykime, apo i pakushtëzuar nga kundërshtaret politikë, vendosa të garoj si kandidat në primaret që organizon Partia Demokratike për Kryetarin e Bashkisë Fier”, thuhej ndër të tjera në deklaratën e tij.

LEXONI GJITHASHTU

• Berisha: Në Portin e Durrësit, autoritetet janë përfshirë në trafikun e kokainës
• Rama po ndërhyn në politikën e brendshme britanike, pretendon Berisha
• Berisha: Ikja e shqiptarëve në Britaninë e Madhe, vepër e Edi Ramës