Alpinisti 11-vjeçar: Isha 3 vjeç kur u ngjita për herë të parë në mal

Alpinisti 11-vjeçar, Markus Nezaj thotë se ishte vetëm 3 vjeç kur u ngjit në mal për herë të parë me gjyshen e tij, Ladi Sulo.

Në emisionin “Good Morning Albanians” në Euronews Albania, Nezaj u shpreh se fillimisht ngjiti malin e Dajtit dhe kur ishte 4 vjeç, ngjiti majën e Bukanikut.

“Për herë të parë kam ngjitur Dajtin kur isha 3 vjeç. Unë, sa ecja 2-3 metra lodhesha, dhe thoja nëna u lodha. Ec më thoshtë edhe pak, derisa u ngjitëm në majë. Aty ndjeva një ndjesi të mirë, pavarësisht se je i vogël. Është bukur.

Në Bukanik, në Elbasan ishte hera e dytë kur u ngjita, isha 4 vjeç. Ka qenë borë dhe ka qenë një moment kur më mnbante një shoku i nënës në krahë. Terreni ishte i rrëshqitshëm”, theksoi ai.

LEXONI GJITHASHTU

• Alpinistja 62-vjeçare: Dua të pi raki kur ulem me shoqërinë në klub
• Orteku godet alpinistët në Himalaja, humbin jetën 4 persona, zhduken disa të tjerë
• Alpinistja u ngacmua në rrugë, Avdiu: S’do merrej seriozisht pa publikuar videon