Alibeaj: Ish-pronarët të kompensohen me 100 përqind të vlerës së pronës

Deputeti Enkelejd Alibeaj u shpreh në Komisionin e Ligjeve se ish-pronarët duhet të të kompensohen me 100 përqind të vlerës së pronës.

Alibeaj hodhi akuza edhe ndaj qeverisë Rama, ku nënvizoi se qytetarët janë të mbytur në procedura dhe përfundojnë në gjyqe për pronat e tyre.

“Ju e keni bërë një gjë fare të thjeshtë dhe që në fakt tregon qasjen që PS ka pasur ndaj procesit të kthimit të pronave. Të mos jepet asgjë! Të mbyten në procedura pafund, të vdesin gjyqeve, të shkojnë dhe të lëngojnë gjykatave. Po të doni ju, ju them edhe një gjë tjetër, një pjesë të fajit e keni pasur edhe ne PD. E gjithë vuajtja, e gjithë lëngata, sot ju i thoni shqiptarëve që ia konvertoni me 1/10, me vetëm 10%. Amendamenti është ky, kompensimi të jetë 100%”, u shpreh Alibeaj këtë të martë në komision.

LEXONI GJITHASHTU:

• Paralajmërim për ish-LSI? Taulant Balla plas akuzat e parave ruse
• “Krajës s’i besoj”, Murrizi: Të punojë 2500 vjet shef SPAK-u të blejë vilë në Lalëz
• ‘Mashtrimi me kriptovalutat’, Arben Kraja: Aktiviteti i shtrirë në 8 shtete