Prangat për zv.presidentin e FSHF-së, gazetari: Sa mund të dënohet

Zëvendës presidenti i Federatës Shqiptare të Futboillit (FSHF), Arben Dervishaj, është një nga 5 personat e arrestuar, pas lëshimit të 11 urdhër-arresteve të lëshuara nga SPAK për inceneratorët e Fierit dhe Elbasanit.

Gazetari Poli Hoxha thotë se me akuzën që përballet, Dervishaj mund të nxirret nga burgu, duke e konvertuar me shërbim prove.

Në emisionin “Now” në Euronews Albania, Hoxha u shpreh se SPAK nuk po shkon te koka e kësaj skeme korruptive dhe shtoi se hetimi është i vështirë.

“Akuzohet që mund ta nxjerrin edhe me shërbim prove. Akuzohet sepse ka bërë fatura fiktive, korrupsioni i tij e di kush është? Këtij i kanë kapur disa bileta avioni, disa fjetje në hotel, që mund t’ia kapësh gazetarëve, apo edhe njerëzve në administratë.

Nuk po shkojnë dot te koka, te krye bashkiakët, te skema e firmave në qeveri, është një skemë që është zbuluar. Është një hetim i ndërlikuar”, theksoi ai.

Biznesmeni Arben Dervishi dyshohet se ka përfituar në mënyrë të parregullt përmes një firme konsulence, kryesisht me inceneratorin e Fierit.

Euronews Albania mëson se janë vendosur masat e sigurisë “arrest shtëpie” dhe “arrest me burg” për: Arber Denizi, Juri Ymeraj, Silvester Dreza, Gentian Zifla, Arjola Kodra, Enver Sheshi, Robert Shabani, Regan Merdani, Luran Dusha, Arben Dervishaj.

Personat e mësipërm akuzohen për veprime fiktive, shmangie të TVSH-së dhe shpërdorim detyre për 2 inceneratorët, të Fierit dhe Elbasanit.

Disa prej personave nuk janë gjetur në banesë dhe ka dyshime që ndodhen jashtë vendit.

LEXONI GJITHASHTU

• Zv.presidenti i FSHF mes të arrestuarve për Inceneratorët

• SPAK lëshon 11 urdhër-arreste për inceneratorët, 5 në pranga
• Zbardhen emrat, kush janë të arrestuarit për inceneratorët