Ish zv.kryeministrja nxjerr dokumentin për Portin e Durrësit

Në emisionin “Now” në Euronews Albania u diskutuar për projektin e Portit të Durrësit.

Ish-zv.kryeministrja Ledina Mandia, tha se ka një ligj ku në nenin 6 thuhet se marrëveshja e bashkëpunimit mes dy shteteve parashikon rizhvillimin e Portit të Durrësit, dhe sipas saj ky projekt nuk sjellë një gjë të tillë për vendin tonë.

“Kur është krijuar grupi negociator Zoti Vengu. Ka një ligj që në nenin 6 thotë se marrëveshja e bashkëpunimit mes dy shteteve parashikon rizhvillimin e Portit të Durrësit. Ndërkohë që vendimi i dhjetorit 2021 flet për marina, jahte dhe një zonë rezidenciale elitare. Unë dua të kuptoj, se çfarë ka pasur në mendje qeveria shqiptare kur është bërë kjo marrëveshje e zhvillimit ekonomik”- u shpreh ajo.

Ajo i ka drejtuar dhe një pyetje Drejtorit të Portit të Durrësit, Pirro Vengu duke i thënë:

“Kjo do të thotë rizhvillim i Portit të Durrësit, aty ku është duke e bërë marina, jahte dhe zonë rezidenciale me apartamente dhe hotele? Po jo?”

LEXONI GJITHASHTU: 

• ‘Pallate’, Drejtori i Portit të Durrësit replika në Now: S’do zhvillohemi me çadra
• ‘Plan grabitjeje’, Endrit Shabani: Skandali në Portin e ri të Durrësit