Porti s’bëhet pa dijeninë e SHBA, ironia e Ngjelës: Pse nuk shkon Berisha t’i lutet?

Avokati Spartak Ngjela tha në një intervistë për Euronews Albania se Porti i Durrësit është një lëvizje e madhe detare që nuk mund të realizohet pa dijeninë e Uashingtonit.

Ai tha se Shqipëria ka një aleat strategjik që po e mban gjallë, ndërsa porti do të jetë një magji dy mijë vjeçare që do të realizohet.

“Si mund të bëhet një lëvizje kaq e madhe detare dhe të mos jetë në dijeni Uashingtoni. Doni të talleni me mua ju?! Të venë këta t’i luten Uashingtonit, po Saliu s’vete dot se është non grata,” – u shpreh Ngjela.

Ai shtoi gjithashtu se opozita nuk do të mund të ndalojë këtë projekt, që jo vetëm është sinonim i zhvillimit, por as nuk e ka fuqinë.

“Kush i pyet ata, ajo është çështje ligjore. Kush ka shumicën në parlament e bën, çfarë do bëjnë këta? E para kjo, e dyta është një vlerë shumë e madhe për Shqipërinë,” – u shpreh Ngjela.

Sipas tij është injorancë të kërkosh konkurrencë në një projekt kaq të madh.

LEXONI GJITHASHTU:

• Opozita kundërshton për portin, Ngjela: Kush i pyet ata, për Shqipërinë është fat
• Paralajmëron gazetari: Gabimet që po bëjnë me portin e Durrësit