‘Analfabetizmi i fshehtë’, Nora Malaj: 40% e moshës 25-45 vjeç pa arsim bazë

Pedagogia Nora Malaj paralajmëroi se vendi ynë do të përballet me një problem të madh, që është analfabetizmi i fshehtë.

Në një intervistë për Euronews Albania, Malaj u shpreh se 30-40% e moshës nga 25-45 vjeç nuk kanë bërë as arsimin bazë.

Sipas saj, kjo kategori e ka edhe të vështirë që të punësohet.

“Pas kaq vitesh, ne me të vërtetë kemi ndërtuar disa shkolla por kemi përballë fenomenin e shpopullimit, fenomenin e braktisjes, fenomenin e analfabetizmit të fshehtë. A e dini ju që sot po përballemi, ende nuk ka dalë si problem, por po e them sot.

Një nga problemet më të mëdha që ne do të përballemi shumë shpejt është fakti që kemi një kategori e cila është nga 30-40% e moshës nga 25-45 vjeç, të cilët nuk kanë bërë as arsimin bazë. Është kategoria e atyre njerëzve që kanë ikur jashtë; kanë bërë punë sezonale; janë rikthyer prapë dhe janë pa arsim.

LEXONI GJITHASHTU

• Ministrja Kushi: Libra falas për nxënësit nga klasa e 1 në të 3
• Botuesit rusë frikë nga censura: Do kthehemi në epokën e librave sovjetikë