Balla: Do hapim garën për Avokatin e Popullit, të kandidojë kush përmbush kriteret

Kreu i Grupit Parlamentar Socialist, Taulant Balla, deklaroi në përfundim të mbledhjes së Konferencës së Kryetarëve këtë të enjte, se PS do të hapë garën për zgjedhjen e Avokatit të Popullit.

Ballla në fjalën e tij tha se opozita e kishte kohën e nevojshme për të zgjedhur Avokatin e Popullit, por nuk e shfrytëzoi atë.

Ai ftoi të gjithë personat që përmbushin kriteret ligjore të hyjnë në garë për t’u zgjedhur në postin e Avokatit të popullit.

“Opozita e pati kohën e nevojshme për t’i dhënë vendit një avokat populli dhe nuk e shfrytëzoi. Ne do të hapim garën. Do të jetë një proces i hapur dhe ka një traditë që opozita propozon avokatin, por jo e emëron atë. Emërimin e ka Kuvendi, duhet t’i sqarojmë gjërat. Gara duhet të jetë e hapur dhe ftoj avokatët, apo personat që përmbushin kriteret të vijnë të kandidojën dhe pastaj i bëj thirrje opozitës të negociojë për të rënë dakord”, tha Balla.

• LEXONI GJITHASHTU: 
  • Meta: Borxhi i radhës prej 500 milionë euro do të rëndojë mbi qytetarët
  • Spiunët jashtë politikës? Balla: PD po pengon nismën e PS
  • Balla: Do të ndryshojmë urgjentisht ligjin për Komisionet Hetimore