I morën 5 mijë m2 tokë një personi, arrestohet ish juristi i hipotekës e 2 të tjerë

Ish-juristi i hipotekës në Durrës dhe dy persona të tjerë janë arrestuar ditën e sotme pasi nëpërmjet falsifikimit të dokumenteve i kamë marrë 5000 m² tokë një shtetasi, duke e përvetësuar dhe regjistruar në hipotekë si të tyren.

Policia bën me dije se në pranga kanë rënë Artur Isaku, 60 vjeç, ish-jurist i hipotekës së Durrësit, Zyber Dema 72 vjeç, dhe Faik Ibrahimi, 68 vjeç.

Ndaj këtyre 3 shtetasve, Gjykata e Rrethit Gjyqësor Durrës ka caktuar masën e sigurisë “Arrest në burg” ndërsa akuzohen për veprat penale “Shpërdorimi i detyrës” dhe “Falsifikimi i dokumenteve”, kryer në bashkëpunim.

“Këta shtetas, në bashkëpunim me njëri-tjetrin, duke përdorur dokumente të falsifikuara, i kanë marrë rreth 5000 m² tokë një shtetasi, të cilën e kanë përvetësuar dhe regjistruar në hipotekë si të tyren”- njofton policia.

LEXONI GJITHASHTU: 

• Rama në Forumin e Davosit: Shqipëria ende po përballet me sulm kibernetik
• Missi që vajton me shami, akstivistja: Mesazh destruktiv për Kosovën