“Agjenti i FBI mori para për lobim”, Agalliu: Historia e rublave ruse është e paguar

Deputeti i PD-së Arbi Agalliu komentoi arrestimin e ish agjentit të FBI-së Charles McGonigal dhe lidhjet e tij me kryeministrin Edi Rama.

Në një intervistë për Euronews Albania, ai tha se agjenti ka marrë para nga Rama për të nisur hetimin për kompaninë e lobimit që PD kishte kontratë.

Ai tha se çdo gjë që ka ndodhur në lidhje me paratë ruse për të cilën është akuzuar ish-kreu i PD-së Lulzim Basha, ka qenë e paguar.

“Është një ngjarje që ka tronditur  thellë besimin që vendet si Shqipëria kanë në institucionet si FBI-ja. Kjo krijon tronditje dhe zhgënjim që këto gjëra ndodhin në një vend që është simbol i demokracisë. Është flagrante fakti që ish-agjenti merr para për të nisur hetim ndaj një kompani lobimi zyrtare ku PD ka një kontratë. Këtu krijohet e gjithë pikëpyetjet. Unë kam bindjen se e gjithë historia e parave ruse është diçka e paguar dhe diçka e nisur në mënyrë të paqenë. Këtu ka diçka që nuk shkon. Të gjithë hamendësimet të çojnë se ka pasur një blerje të asaj që ka ndodhur”- tha ai.

LEXONI GJITHASHTU: 

• Rritet çmimi i karburanteve, me sa do të tregtohen në popmë
• Tentoi të trafikonte vepra të artit, arrestohet në Durrës 32-vjeçari
• Çfarë po ndodh në Kosovë? SHBA fton politikanët në ambasadë, gazetari jep detaje