Kuvendi kalon ligjet mes zhurmës dhe kaosit, deputetët e PD-së shkëmbejnë bilbilat

Maxhoranca qeverisëse ka miratua gjatë seancës kaotike projektligjet e planifikuara për seancën plenare të kësaj të enjteje.

Mes bllokimit të foltores dhe zhurmës së bilbilave që i binin deputetët e opozitës, ministrat e qeverisë bënë një prezantim të shkurtër të projektligjeve të propozuara.

Më pas projektligjet kaluan në votim, ku u miratuan me shpejtësi nga naxhoranca gjatë seancës së pazakontë

Tensionet në seancë lindën pas refuzimit të kryeministrit Rama për të marrë pjesë në interpelancën për çështjen McGonigal dhe delegimin e kompetencës për përgjigje te ministrja Elisa Spiropali.

Deputetët e opozitës bllokuan foltoren dhe u zotuan se parlamenti nuk do të ketë më qetësi deri sa kryeministri të shkojë dhe t’i ëprgjigjet opozitës për skandalin McGonigal.

Në një moment gjatë seancës shihet deputeti i opozitës Saimir Korreshi, i cili i përcjell bilbilin deputeti Gazment Bardhi për të bërë zhurmë gjatë seancës plenare.

LEXONI GJITHASHTU:

• Kuvendi seancë të pazakontë/ Deputeti i PD-së i bie bilbilit, Nikolla e paralajmëron
• Tensione dhe kaos në Kuvend, Bardhi përplaset me gardën. Përjashtohet nga seanca