Foto në avion me Duçkën, reagon Shkëlzen Berisha: Më kërkoi me insistim një selfie

Shkëlzen Berisha, djali i kreut të PD, Sali Berisha ka reaguar pas publikimit të një fotoje ku duket me ish-zyrtarin e kryeministrisë të përfshirë në aferën McGonigal Dorian Duçka.

Përmes një statusi në rrjetet sociale, Berisha thotë se gjatë një udhëtimi me avion, Duçka që ishte ulur pranë tij i kishte kërkuar me insistim të bënin një selfie.

“Ne ndryshim nga Rama dhe sekseret e tij, unë nuk udhëtoj në avion privat dhe për rrjedhoje në një avion linje, njëlloj si në një urban publik, udhëtarët dhe vendet e tyre nuk i zgjedh dot unë. Qëllimi i udhëtimit tim të bërë para disa vjetësh, nuk ka pasur asgjë të përbashkët me sekserin e Ramës përveç ulëses afër në avion dhe insistimit të tij për të bërë një selfie, si shumë të tjera, që më kërkohen nga njerëz të njohur dhe të panjohur. Uroj dhe shpresoj që kur të pyeten nga hetuesit e FBI, Rama dhe Duçkat të kenë argumente më bindëse për “pafajësinë” e tyre”, shkruan Shkëlzen Berisha.

LEXONI GJITHASHTU:

• Azgan Haklaj: Duçka kushëriri i Ilir Metës dhe Etilda Gjonaj, njeh dhe Berishën
• NYT zbardh detaje të pathëna nga afera “McGonigal”