Neurokirurgu Xhumari tregon si e identifikoi sëmundjen e rrallë

Një ndërhyrje e rrallë është bërë në QSUT nga mjeku Artur Xhumari. Sëmundja në fjalë quhet “konflikt neurovaskular“.

Një arterie e trurit shkakton dëmtim të nervit pasi e shtyp. Shumica e të sëmurëve kanë një arterie të vogël që prek nervin e ndjeshmërisë së fytyrës (nervi trigeminal) dhe shkakton sëmundjen e neuralgjisë trigeminale.

Artur Xhumari, shef i shërbimit të neurokirurgjisë në QSUT në një intervistë për “Good Morning Albanians” në Euronews Albania, ai tha se sëmundjen e dalloi nëpërmjet një rezonance, ndërkohë shtoi se një ndërhyrje e tillë nuk është bërë kurrë më parë.

“Ne e identifikuam që ne rezonancën  e parë. Nëse personi do më ishte referuar para dy vitesh  do i kisha thënë se nuk bëhet gjë , sepse nuk  kisha besimin që mund të bëja një operacion të tillë. Ky është operacioni i parë për këtë arterie të madhe që vriste këtë nervin facial. Janë sëmundje të rralla. Ky operacion nuk është bërë asnjëherë në vendin tonë”- theksoi ai.

LEXONI GJITHASHTU: 

• ​Baerbock: Suedia dhe Finlanda kanë përmbushur objektivat për anëtarësimin në NATO
• Pacienti nuk e mbyllte dot plotësisht njërin sy, mjeku bën ndërhyrjen e rrallë