Byroja e Kuvendit lë në fuqi vendimin për përjashtimin e 6 deputetëve të PD

Byroja Kombëtare e Kuvendit ka lënë në fuqi vendimin e dy ditëve më parë të Sekretariatit të Etikës për përjashtimin e 6 deputetëve të PD nga seancat plenare.

Bëhet fjalë për përjashtimin 10 ditor nga seancat për deputetët Edmond Spaho, Oerd Bylykbashi, Elda Hoti dhe Sorina Koti. Ndërsa për Lindita Metaliajn dhe Greta Bardhelinë për një afat 5 ditor.

Sakaq në seancën plenare të ditës së sotme Sali Berisha dhe Flamur Noka nuk do të marrin pjesë pasi janë përjashtuar për 10 ditë.

Ndonëse kryeministri Edi Rama ndodhet në Japoni për vizitë zyrtare, deputetët e Sali Berishës këmbëngulin që mocioni me debat që është parashikuar për datën 2 mars për çështjen e ish zyrtarit të FBI-së, Charles McGonigal të zhvillohet në seancën e sotme plenare.

Një ditë më parë, 11 deputetë kërkuan që në rendin e ditës të futej mocioni me debat për çështjen e McGonigal dhe secili prej deputetëve të ketë në dispozicion 10 minuta kohë për të folur.

Ndërkohë, Sali Berisha dhe 7 deputetë të tjerë janë të përjashtuar nga Kuvendi për shkak të kaosit që kanë shkaktuar në seancat e shkuara plenare.

LEXONI GJITHASHTU: 

• Kuvendit rrëzon kërkesën për përjashtimin e deputetëve, Bylykbashi: Vendim fashist
• E vranë me plumb në kokë, e dashura e shqiptarit tregon si e mori vesh lajmin