Zotimi i Berishës: Ndryshimi i Shqipërisë me PD-në në pushtet nis nga arsimi

Sali Berisha u zotua se nëse Partia Demokratike vjen në pushtet ndryshimi do të nisë nga arsimit.

Ai tha se do të rritet buxheti në arsim dhe do të dyfishohen pagat e mësuesve.

“Partia Demokratike në pushtet përsëri ndryshimin e Shqipërisë do ta fillojë me mësuesit. Do të ndryshojmë kushtet, jetën, trajtimin, qëndrimin ndaj tyre. Do të fillojë ndryshimi i Shqipërisë,” – tha Berisha duke theksuar se edhe në vitin 2005 arsimi ishte sektori në të cilin u përkushtuan më së shumti.

“Ne do të dyfishojmë rrogat e mësuesve, do të dyfishojmë buxhetin për arsimin. Do të bëjmë gjithçka që shkollat të marrin funksionet e tyre. Universitetet janë bërë një objektiv sulmi ndaj një njeriu që për injorancën e tij totale, mburret se unë nuk kam as gradë as titull, duke treguar me këtë se cili është koncepti i tij për djersën e derdhur, lartësimin, djersën e derdhur në kërkimin shkencor, në hulumtime, publikime, sepse gradat dhe titujt janë një përpjekje shtesë e secilit profesionist për të kapur nivele të tjera, kurse ky e thotë me mburrje,” – deklaroi ai.

LEXONI GJITHASHTU:

• Berisha: Në 9 vite janë mbyllur 760 shkolla
• Rithemelimi refuzon ftesën e Alibeajt, Paloka: Do vulën nga Rama, votat nga Berisha