Incidenti në Detin e Zi, eksperti: Rrëzimi i dronit amerikan nga rusët, i qëllimshëm

Eksperti i Çështjeve Ndërkombëtare, Dritan Hoti thotë se droni amerikan në Detin e Zi, u rrëzua qëllimisht nga rusët, duke u bazuar te provat që kanë dalë së fundmi në SHBA.

Në një intervistë për Euronews Albania, Hoti u shpreh se Rusia pretendon se droni kishte shkelur hapësirën e saj ajrore, gjë që është kundërshtuar nga SHBA.

Sipas Hotit, ky incident mund të përshkallëzojë marrëdhëniet mes dy vendeve.

“Në Detin e Zi, ka qenë duke kryer një ritualitet të tij, një dron me përmasë jo të vogël, goxha i gjerë dhe i madh. Ka qenë duke fluturuar në hapësirat ndërkombëtare dhe papritur, nuk është sulmuar drejtpërdrejt nga dy avionë rus, por ka pasur përplasje te pjesa e përparme e tij. Si rrjedhojë, meqë është një dron i telekomanduar, Forcat Ajrore të SHBA-ve, e kanë ulur në Detin e Zi.

Kjo është perceptuar si një incident i rëndë që mund të ketë eskalacione të rrezikshme nga ana e SHBA. Versioni, që është më i mundshmi, pasi amerkanët kanë të gjitha mekanizmat për ta provuar, ka qenë i qëllimshëm. Nga ana ruse pretendohet që ka shkelur ky dron hapësirën ajrore të Rusisë. Nga SHBA nëvizohet se ka qenë brenda hapësirës ndërkombëtare”, theksoi ai.

LEXONI GJITHASHTU

• SHBA paralajmëron Rusinë pas incidentit me dronin amerikan në Detin e Zi

• Rusia, Kina dhe Irani nisin stërvitjen e përbashkët detare në Detin Arabik
• Rrëzimi i dronit amerikan nga rusët, Kievi: Putin do zgjerimin e luftës