Rama zbulon emrin për kreun e ri të SHISH: Ia paraqita sot Presidentit Begaj

Kryeministri Edi Rama ka zbardhur detaje nga takimi që pati paraditen e kësaj të premteje me Presidentin e Republikës, Bajram Begaj në ambientet e Presidencës.

Përmes një postimi në rrjetet sociale, Rama bëri të ditur se Begajt i paraqiti propozimin për emërimin e Vlora Hysenit, si drejtore e Shërbimit Informativ Kombëtar.

“Sot i paraqita Presidentit të Republikës propozimin për emërimin e Znj.VLORA HYSENI drejtore e Shërbimit Informativ Kombëtar, me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar”, shkroi Rama në Facebook.

LEXONI GJITHASHTU:

• Arrestimi i Allës, kreu i PD-së në Bulqizë: Ishte përdorues i lëndëve narkotike
• Berisha: Basha dhe Alibeaj s’kanë lidhje me PD, Rama po i përdor pa mëshirë