KQZ nuk njohu Berishën si pjesë të koalicionit, Kaziaj zbulon lëvizjen e radhës

Përfaqësuesi i koalicionit “Bashkë fitojmë” Altin Kaziaj, ka zbuluar në studion e Euronees Albania, hapat e radhës pas vendimit të KQZ-së për të mos regjistruar si pjesë të koalicionit opozitar, Partinë Demokratike të përfaqësuar nga ish-kryeministri Berisha.

Kaziaj tha se do pritet zbardhja e arsyetuar e vendimit dhe më pas do të bëhet ankimi i tij sipas afateve ligjore.

Gjithashtu ai shtoi se vendimi i KQZ, nuk sjell asnjë ndryshim në koalicionin “Bashkë fitojmë”, pasi të gjithë kandidatët e primareve do të garojnë në zgjedhjet e 14 majit.

“Pasi ta kemi konsultuar me juristët dhe strukturat rona politike, do ta çojmë këtë vendim dhe më tej, për ta apeluar atë. Do presim që vendimi të arsyetohet dhe do ta ankimojmë sipas afateve. Fakti është që koalicioni u regjistrua dhe në brendësi të koalicionit janë anëtarët e Partisë Demokratike dhe kandidatët për 61 bashkitë e vendit si dhe kandidatët për këshillat bashkiak të 4 partive në koalicion”, tha Altin Kaziaj.

LEXONI GJITHASHTU

• Berisha nuk regjistrohet në koalicionin me Metën
• Indrit Sefa kundërshton përfshirjen e PD në koalicionin Berisha-Meta
• Sa janë shanset për të votuar Belind Këlliçin? Përgjigjen qytetarët e Tiranës