“Ata që shesin votën janë bashkëpunëtor”, Shabani: Votojnë një qeveri kriminale

Endrit Shabani tha se nuk ka besim te votuesit që e shesin votën pasi sipas tij, ata janë bashkëpunëtorët që sjellin ministrat e korruptuar në qeveri.

“ Po shfrytëzoj këtë hapësirë televizive për të thënë diçka që shpesh nuk thuhet. Ata njerëz që shesin votën, apo votojnë për një qeveri kriminale, pra një grup i organizuar kriminal, një pjesë e të cilëve janë në burg dhe një pjesë tjetër janë nën hetim, ata nuk janë viktima, por bashkëpunëtor.

Ata marrin vendime edhe për ne të tjerët. Ata na bëjnë peshqesh ne ministra të korruptuar, kryetar bashkish të korruptuar. Na bëjnë në drejtim të këtyre institucioneve kriminelë, njerëz që në vend të ishin në qeli, janë në krye të institucioneve.

Kjo është një arsye pse indiferenca ka një çmim të madh. Unë nuk kam shpresë te ata që e shesin votën. E kam humbur shpresën te ata. Nuk kam shpresë te ata që bashkëpunojnë me një bandë kriminale për ta votuar e për të sjellë kriminel në parlament dhe në krye të shtetit.

Unë kam shpresë te ata që nuk votojnë, kështu votojnë vetëm këta të tjerët. Nëse ne mobilizohemi ne jemi një shumicë, këta janë pakicë aktive politikisht, por si numra janë pakicë. Ndaj është jetike të votojmë”,-tha për Euronews Albania Endrit Shabani.

LEXONI GJITHASHTU:

• Ahmetaj nën hetim, gazetari: BKH nën trysni i mori kodin e telefonit bashkëjetueses
• Kujdestarët e lanë pa ushqim e ujë, 88-vjeçarja vdes pas 28 ditësh