“Për Zajednicën”, aktivistë të PSD-së gjuajnë me tortë zv.kryeministrin Bislimi

Zyrtarë dhe aktivistë të PSD-së, kanë gjuajtur me tortë dhe qumësht zëvendëskryeministrin e Kosovës, Besnik Bislimi.

Sipas tyre, zyrtarët e Kosovës kanë pranuar Asociacionin që e krahasojnë me Zajednicën.

“Tortë e milkshake për “Zajednicën”. E gëzofshin këta që e pranuan! Kurse ne, qytetarët e Kosovës, do ta kundërshtojmë atë e të kërkojmë masivisht dorëheqjen e tyre. Prandaj, protestojmë të shtunën, me 25 mars, në orën 14:00.#dorëheqje”, thuhet në postimin e PSD-së.

Kosova dhe Serbia janë pajtuar mbi aneksin e zbatimit të planit evropian, i cili do të jetë i detyrueshëm  për të dyja palët në momentin e publikimit të tij. Kështu ka thënë përfaqësuesi i lartë i Bashkimit Evropian, Josep Borrell në një deklaratë për media, pas dialogut 12 orësh në mes kryeministrit të Kosovës, Albin Kurti dhe presidenti i Serbisë, Aleksandër Vuçiç, nën ndërmjetësimin e BE-së, në Ohër të Maqedonisë së Veriut.

Ndërsa, kryeministri Kurti ka thënë se kanë arritur pajtim publik me Serbinë për zbatimin e aneksit të marrëveshjes së propozuar nga Bashkimi Evropian.

Mirëpo, Kurti nënvizoi se Serbia sërish nuk e ka nënshkruar të njëjtin. Sipas tij, i takon BE-së tani që të gjejë mekanizma për të detyruar Serbinë të firmosë ujdinë.

LEXONI GJITHASHTU

• Abazoviç mbështet rivalin e Gjukanoviçit: Mali i Zi do një president të ri
• Mal i Zi/ S’ka fitues në raundin e parë, ja kandidati që rivalizon Milo Gjukanoviçin