Gazetari Hajrullahu: Njerëzit në Kosovë janë të lodhur nga dialogu me Serbinë

Gazetari Muhamet Hajrullahu deklaroi se qyetetarët në Kosovë janë të lodhur nga dialogu me Serbinë.

Në një intervistë për Euronews Albania, Hajrullahu u shpreh se për shkak se dialogu është vendosur si prioritet,  nuk ka zhvillim të qëndrueshëm të ekonomisë, apo investime të reja.

“Perspektiva e njerëzve, me cilin do që flet, janë të  lodhur me dialogun, çfarë po ndodh, tensioni, presioni. Njerëzit nuk po munden të zhvilllojnë as ekonominë, të funksionojë normalisht sepse prioritet janë natyrisht, dialogu, bisedat.

Kjo e bllokon procesin brenda Kosovës. Është në përgjithësi një lodhje për njerëzit. E njejtë edhe te shqiptarët e serbët. Ne të gjithë jemi njerëz. Duan diçka tjetër, janë lodhur me këto”, theksoi ai.

LEXONI GJITHASHTU

• Gazetari: Pas takimit në Ohër, Asociacionin e ka në dorë BE-ja
• Sulmohet efektivi i policisë në veri të Kosovës
• “Për Zajednicën”, aktivistë të PSD-së gjuajnë me tortë zv.kryeministrin Bislimi