“Luftojmë për Tiranën”, Qori tregon strategjinë e Lëvizjes Bashkë për zgjedhje

Arlind Qori i ftuar në Euronews Albania tha se partia Lëvizja Bashkë e cila u pranua të regjistrohet në zgjedhjet lokale të 14 majit do të kandidojë vetëm për Tiranën.

Po ashtu ai tha se do të jetë ai vetë që do të kandidojë pët t’u bërë kryebashkiaku i ardhshëm i Tiranës.

“Kandidojmë vetëm në Bashkinë e Tiranës, kjo ka qenë strategjia politike në do kandidojmë vetëm në Bashkinë e Tiranës. Për dy arsye, bashkia e Tiranës është qendra e vendit. Tirana është burimi i frymëzimit për të gjithë qytetarët e republikës së Shqipërisë.

Në këtë kuptim ajo që do të bëjmë në Tiranë do të jetë shembull dhe model i asaj që do të ndodhë nesër në të gjithë Shqipërinë. E dyta, kemi dashur që të gjitha forcat tona t’i përqendrojmë në Tiranë.

Kësisoj do të mund të baraspeshonim disi pabarazinë ekstreme në pushtet midis atyre që janë në pushtet dhe ne. Ata kanë paranë, kanë pushtetin, kanë shumicën e mediave. Ne kemi njëri-tjetrin, kemi ndershmërinë, kemi qytetarët”,-tha Arlind Qori në studion e Euronews Albania.

LEXONI GJITHASHTU:

• Si u shmang tragjedia në Kosovë, dy avionë me 300 persona rrezikuan përplasjen
• Ministri austriak: Rusia mbetet e rëndësishme për Evropën
• Vuçiç vlerëson KFOR-in: Sjellje profesionale gjatë tensioneve në veri të Kosovës