Ç’do të ndodhte nëse nuk do të ishte ngritur Gjykata Speciale e Hagës? Flet avokati

Avokati Jordan Daci tregoi për “Review” në Euronews Albania se çfarë do të ndodhte nëse nuk do të ishte ngritur Gjykata Speciale e Hagës.

“Nga pikëpamja juridike OKB nuk mund të bënte një gjykatë e cila do të hetonte vetëm shqiptarët. Ose do të bënte një gjykatë që do të hetonte posaçërisht krimet për Kosovën, por që në këtë rast do të ishte një lloj mbivendosje me vetë mandatin e Gjykatës së Hagës për ish-Jugosllavinë. Kjo do të ishte një plus i madh nëse do të negociohej mosngritja.

Unë mendoj që edhe nëse do të pranohej gjykata me pak pozita më të forta negociuese dhe më pak lëshim nga ana e palës së shqiptarëve të Kosovës, mendoj që mund të kishim një variant më të moderuar të kësaj gjykate,” – u shpreh Daci.

Në Prishtinë u zhvillua sot një marshim solidarizues në mbështetje të ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre që ndodhen në Hagë.

Ideatorët e platformës “Liria ka emër”, Eliza Hoxha dhe Ismail Tasholli kanë deklaruar se ish-krerët e UÇK-së nuk po përballen me akuza dhe procese gjyqësore për shkak të emrave të tyre të përveçëm, por sepse emrat e tyre lidhen me luftën e Kosovës për liri.

LEXONI GJITHASHTU:

• Nurellari thirrje LVV: UÇK-ja është e gjithë Kosovës, s’duhet të ketë ndasi politike
• Aktivisti kundërshton pretendimet e PDK: Protesta ishte e mbështetur edhe nga LVV