Pse paguan për incenerim? Veliaj: Ne e pastrojmë Tiranën më mirë dhe më lirë

Kryebashkiaku Erion Veliaj shpjegoi në “Now me Erla Mëhillin” rolin e Bashkisë Tiranë në çështjen e inceneratorëve.

Sipas tij, jo vetëm që Tirana është më e pastër, por një proces i tillë bëhet duke paguar dhe më pak para.

“Për të njëjtin proces që ne kemi tani, që ne paguajmë 29 euro/ton, pra unë si kryetar bashkie kisha disa qëllime, të heq plehrat nga Tirana. Sot se mohon dot, edhe këtu në Farkë ku jemi, pastrohej 1 herë në javë, pastrohet 7 herë në javë. Dje Tirana pastrohej 1 herë në javë, sot pastrohet 3 herë në ditë. Ne e pastrojmë më mirë Tiranën.

Për të njëjtën gjë që ne bëjmë sot, pra që unë t’i pastroj dhe t’i çoj si shërbim, t’i heq nga Tirana, Lulzim Basha, Ilir Meta dhe Sali Berisha që e kishin bashkinë, ja ku e kanë këtu 37 euro/toni,” – u shpreh Veliaj ndërsa tregonte një dokument.

“Shërbimi që unë marr me 1/3 e kostos më pak sesa Luli, Ilir, Saliu, mi heq plehrat nga Tirana. Bashkia paguan një shërbim dhe bashkia e mbaron punën e vet te trau. Më dëgjoni se s’jam unë supervizori, supervizorin e keni në burg,” – deklaroi kryebashkiaku.

LEXONI GJITHASHTU:

• Erion Veliaj: E vetmja gjë që jam dakord me Berishën mes 999 mëkateve
• Veliaj përballë premtimit të 2015-tës për ndërtimet: Ja çfarë thotë pas 8 viteve