Ergys Mërtiri: Tirana qyteti më i pajetueshëm në Shqipëri, u shkatërrua nga betoni

Ergys Mërtiri tha për Euronews Albania se Tirana është një qytet i pajetueshëm, pasi sipas tij mungon hapësira.

Sipas Mërtirit, kryeqyteti është shfrytëzuar në funksion të bizneseve, të cilat e kanë mbushur me  beton duke e shkatërruar Tiranën e duke e bërë atë qytetin më të pajetueshëm në Shqipëri.

“Qyteti duhet të jetë i jetueshëm. A është Tirana qytet i jetueshëm? Jo për mua Tirana është qyteti më i pajetueshëm në Shqipëri jo më në vendet e tjera të botës. Dhe është i pajetueshëm, jo sepse i mungojnë resurset, por se ky qytet është shkatërruar prej betonit.

Në filozofinë që është zhvilluar ky qytet është të shfrytëzojmë metrin katror për bizneset. nëse ne e rrjepim qytetin në funksion të xhepit, ne do e shkatërrojmë këtë qytet. Sepse një qytet është i bukur, i jetueshëm e i mirë kur në radhë të parë ka hapësirë. Ajo që menaxhon kryetari i bashkisë është hapësira. Këta kanë prodhuar asfiksim. S’ke trotuare ku ecën”,-tha Ergys Mërtiri.

LEXONI GJITHASHTU:

• Shtohen krimet nga adoleshentët, INSTAT: 120 fëmijë të dënuar vetëm në vitin 2021
• Të shtëna me armë zjarri në SHBA, 5 të vdekur dhe 6 të plagosur
• Leonard Olli ngre shqetësimin: Tirana është i vetmi kryeqytet pa trotuare