Manjani tregon prapaskenat si ministër drejtësie: Si nisi lufta e Rama-Becchetti

Juristi Ylli Manjani tha se “luftën” mes Ramës dhe Becchettit e ka gjetur të nisur kur ka hyrë në ministri.

Ai sqaroi se përgjatë kohës së tij nuk është kontraktuar asnjë studio avokatie.

“Asokohe unë mendoja dhe prapë mendoj se shteti duhet të jetë në gjendje të kontraktojë kompani serioze duke ndërtuar marrëveshje kuadër afatgjatë dhe pagesa të ishte mundësisht me orë pune, duke bërë kështu tendera të hapur dhe jo përzgjedhje selektive sipas qejfit të njërit apo tjetrit. Për aq kohë sa kam qenë ministër nuk lejova kurrë që të kishte procedura të posaçme,” – u shpreh Manjani.

Sipas tij, për këtë çështje është krijuar një ngërç jo i vogël, ndërkohë sa i takon rastit të Becchettit ka pasur një kompani të kontraktuar nga Ministria e Energjisë dhe ajo mori përsipër të bënte edhe mbrojtjen për çështjet e tjera që janë në Arbitrazh.

LEXONI GJITHASHTU:

• Ylli Manjani: Partitë politike në Shqipëri financohen nga krimi e droga
• Manjani: Yuri Kim ndërhyn në mënyrë të paligjshme në zgjedhje