Fundim Gjepali: Mishi dhe bulmeti me etiketa false, nuk dihet origjina e ushqimeve

Shefi i kuzhinës, Fundim Gjepali tregoi në një intervistë për “Good morning Albanians” në Euronews Albania se mishi dhe bulmeti në Shqipëri ka raste që vijnë me etiketa false.

Sipas tij në të tilla kushte origjina e ushqimeve nuk mund të jetë e ditur dhe ti nuk ke garanci për produktin që konsumon.

“Ne jemi në një fazë konsumizmi ekstrem dhe në Shqipëri një përqindje e vogël ka menutë e azhornuara. Deri te kaloritë e shënuara në menu kemi një rrugë shumë të gjatë.

Në Shqipëri kontroll ka, jo se nuk ka, por ne kemi shumë produkte që nuk dimë se nga vijnë. Mishi, bulmetrat, ka plot etiketa false,” – u shpreh Gjepali.

Ai kujtoi se në kohët më parë, kur nuk ka pasur influencë as nga produktet e huaja, ushqyerja është bërë më e shëndetshme pasi konsumohej çfarë jepte toka.

LEXONI GJITHASHTU:

• Studimi: Vendosja e kalorive në menu mund të shpëtojë mijëra jetë
• Kamioni me ushqime në Has, gazetari skanon ngjarjen: E pastër për blerje votash