Politika e Malit të Zi, gazetari: Ka komuna që duan të tërhiqen nga njohja e Kosovës

Gazetari Bekim Çoba i ftuar në Euronews Albania ka treguar se si është situata në Malin e Zi referuar Kosovës, pasi një komunë ka kërkuar që të tërhiqen nga njohja e Kosovës.

Gazetari e ka cilësuar këtë lëvizje si një lëvizje politike nga ana e partive proserbe, pasi sipas tij, disa komuna nuk mund të bëjnë tërheqjen nga njohja e një shteti.

“Para disa ditë ve komuna më e re në Malin e Zi , ajo e Zetës dërgoi një iniciativë në kuvendin e Zetës që kjo komunë të tërheqë njohjen e Kosovës. duket qesharake por kjo i shërben fushatës së asaj partie, pasi komunat nuk mund të tërheqë njohjen e një vendi, por partitë gjejnë mënyra të ndryshme për të arritur te votuesi i vetë”.-tha Bekim Çoba.

i pyetur në rast se është i madh numri i njerëzve në Malin e Zi të cilët nuk e përkrahin pavarësinë e Kosovës, Çoba tha se numri nuk është i madh, por ka nga ata që janë besnik të partive proserbe.

“Subjektet ose përqindja e popullsisë që nuk e përkrah pavarësinë e Kosovës në Malin e zi nuk është shumicë. Largësia që mund të shkojnë për ta cenuar këtë pavarësi dhe ajo pjesë e cila do shkëmbente anëtarësimin e Bashkimit Europian për të tërhequr njohjen e pavarësisë së Kosovës nuk është e madhe. Por edhe ato kanë një pjesë të përkrahjes dhe partitë proserbe atë përkrahje e duan për vete”,-tha gazetari Bekim Çoba.

LEXONI GJITHASHTU:

• Nga dëshmia e shoferit te “misteriozi” në video, vrasja e kenianes drejt zbardhjes
• Transportonte emigranten e paligjshme drejt Parisit, arrestohet në kufi 36-vjeçari